वालिङ नगरपालिकामा मतगणना सुरु
प्रकाशित मिति : 14 May, 2022 5:16 pm
स्याङ्जा । स्याङ्जाको वालिङ नगरपालिकामा साढे ४ बजेबाट मतगणना सुरु भएको छ । सर्वदलीय बैठकपछि वडा नम्बर १ देखि मतगणना गर्ने सहमति भएको हो ।
शुक्रबार भएको जीप दुर्घटना कारण बिहानैबाट मत गणना हुन नसकेको निर्वाचन अधिकृत उदवीर नेपालले जानकारी दिए । उक्त दुर्घटना १४ जनाको मृत्यु भएको थियो ।
वालिङमा कुल मतदाता संख्याको ६७.५१ प्रतिशतले मतदान गरेका छन् । सबैभन्दा बढी वडा नम्बर १ मा ७१.५१ प्रतिशत र सबैभन्दा कम वडा नम्बर १४ मा ६२.१२ प्रतिशत मत खसेको छ ।
त्यस्तै वालिङमा कुल मतदाताको संख्या ३९ हजार ६५९ रहेको थियो जसमा २६ हजार ७७४ मत खसेको थियो ।
