काठमाडौं महानगरपालिकामा १२ सयको मतान्तरसहित बालेनको अग्रता कायमै
प्रकाशित मिति : 15 May, 2022 12:44 pm
काठमाडौं । काठमाडौं महानगरपालिकाको मेयर पदमा स्वतन्त्र उम्मेदवार बालेन साहले अग्रता लिइरहेका छन् । शनिबारदेखि भइरहेको मतगणनामा अहिलेसम्म स्वतन्त्र उम्मेदवार साहले एमालेका केशव स्थापित, र नेपाली कांग्रेसकी सिर्जना सिंहलाई फाराकिलो मतान्तरले पछि पारेका छन् ।
अहिले प्राप्त सूचना अनुसार बालेन साहले २१३९ मत प्राप्त गरेका छन् भने एमालेका स्थापितले ११९९ र नेपाली कांग्रेसकी उम्मेदवार सिर्जना सिंहले १०५७ मत पाएकी छन् ।
एमालेका उम्मेदवार केशव स्थापितले भन्दा करिब १२ सय मतले स्वतन्त्र उम्मेदवार साहले अग्रता लिइरहेका छन् । हाल काठमाडौं महानगरपालिकाको वडा नम्बर १, २, ३, ४ र ३२ को मतगणना चलिरहेको छ ।
