वालिङ मतगणना: मेयरमा एमालेका कृष्ण खाणको अग्रता, उपमेयरमा कांग्रेसकी कबिता तिवारी अगाडी

स्याङ्जा । स्याङ्जाको वालिङ नगरपालिकामा एमालेले अग्रता लिएको छ ।

समाचार तयार पर्दा मेयरमा एमालेका प्रमुखका उमेदवार कृष्ण खाणको अग्रता कायमै छ । खाणले ३०३२ मत प्राप्त गरेका छन् भने उनका प्रतिस्पर्धी कांग्रेसका दिलिप प्रताप खांणले २३९८ मतले पछ्याउँदै छन् ।

उपप्रमुखमा कांग्रेसकी कविता तिवारीले २६२९ मतसहित अग्रता लिएकी छन् भने एमालेकी खगिसरा थापाले २५२२ मत प्राप्त गरेकी छन् ।

स्याङ्जाको वालिङलाई निकै महत्त्वका साथ हेरिएको छ । यहाँ निवर्तमान मेयर दिलिपप्रताप र कृष्ण बिच निकै प्रतिस्पर्धा हुने देखिएको छ । वालिङ नगरपालिकामा २६ हजार ७७४ मत खसेको थियो ।