स्याङ्जा वालिङ नगरपालिकाको मतगणना : मेयरमा एमालेका कृष्ण खाणको अग्रता

स्याङ्जा । स्याङ्जाको वालिङ नगरपालिकामा एमालेले अग्रता लिएको छ । समाचार तयार पर्दा मेयरमा एमालेका प्रमुखका उमेदवार कृष्ण खाणको अग्रता कायमै छ ।

वालिङ नगरपालिकामा १४ वटा वडाहरु मध्ये अहिलेसम्म १० वटा वडाको मत गणना सकिएको छ । जसमा चारवटा वडामा कांग्रेसका अध्यक्षहरु निर्वाचित भएका छन् भने छ वडा वडामा एमालेका अध्यक्षहरु निर्वाचित भएका छन् ।

खाणले ९ हजार ३४७ मत प्राप्त गरेका छन् भने उनका प्रतिस्पर्धी कांग्रेसका दिलिप प्रताप खांणले ७ हजार २९३ मत प्राप्त गरेको निर्वाचन अधिकृत उदवीर नेपालीले जानकारी दिए ।

स्याङ्जाको वालिङलाई निकै महत्त्वका साथ हेरिएको छ । यहाँ निवर्तमान मेयर दिलिपप्रताप र कृष्ण बिच निकै प्रतिस्पर्धा हुने देखिएको छ । वालिङ नगरपालिकामा २६ हजार ७७४ मत खसेको थियो ।