गैंडाकोट नगरपालिकाको मेयर र उपमेयरमा कांग्रेस विजयी

नवलपरासी । नवलपरासी (वर्दघाट पूर्व)को गैंडाकोट नगरपालिकाको मेयर र उपमेयरमा नेपाली काँग्रेसका उमेदवार विजयी भएका छन् ।

मेयरमा मदनभक्त अधिकारी र उपमेयरमा शान्ति कोइराला निर्वाचित भएका हुन् । अधिकारीले १६ हजार ४५५ मत प्राप्त गर्दा उनका निकटतम प्रतिद्वन्द्वी निवर्तमान मेयर समेत रहेका पौडेलले १३ हजार ६०६ मत प्राप्त गरे ।

त्यस्तै उपमेयरकी उमेदवार काँग्रेसकी कोइराला ७ हजार ४७४ मतान्तरले निर्वाचित भइन् । कोइरालाले १६ हजार ११४ मत प्राप्त गर्दा एमाले र राप्रपा गठबन्धनका उमेदवार लुलाराम पौडेलले आठ हजार ६४० मत प्राप्त गरे ।

मेयरका उमेदवार अधिकारीले निकतटम प्रतिस्पर्धी एमालेका छत्रराज पौडेललाई दुई हजार ८४९ मतान्तरले पराजित गरेका हुन् ।