स्याङ्जाको पुतलीबजार नगरपालिकाको अध्यक्ष र उपाध्यक्षमा कांग्रेस विजयी
स्याङ्जा । स्याङ्जाको पुतलीबजार नगरपालिकामा अध्यक्षमा र उपाध्यक्षमा नेपाली कांग्रेस विजयी भएको छ ।
पुतलीबजार नगरपालिकामा नेपाली कांंग्रेसका उम्मेदवार बनेका अध्यक्षमा तुलसीराम रेग्मी र उपाध्यक्षमा देवी अर्याल विजयी भएका हुन् ।
रेग्मीले १२ हजार ४९४ मत प्राप्त गरेका छन् भने उनका प्रतिद्धन्दी नेकपा एमालेको उम्मेदवार सिमा क्षेत्रीले १० हजार ९० मत ल्याएर पराजित भएकी छन् ।
त्यसैगरि नगरपालिका उपप्रमुखमा देवी अर्याल विजयी भएकी छन् । अर्यालले नेकपा एमालेका उम्मेदवार महेश पुरीलाई ९ सय ८६ मतले अन्तर पार्दै अर्यालले ११हजार ७४८ मत प्राप्त गरेकी छन् भने उनका प्रतिद्धन्दी नेकपा एमालेका उपप्रमुख पदका उम्मेदवार महेश पुरीले १० हजार ७३२ मत ल्यााएर परााजित भएका छन् ।
१४ वटा वडा रहेका नगरपालिकामा ९ वटा वडामा नेपाली कांग्रेस, र बाकीँ ५ वटा वडामा नेकपा एमालेका अध्यक्षका उम्मेदवार विजयी भएका छन् ।
पुतलीबजार नगरपालिकामा ३७ हजार ७०८ जना मतदाता रहेकोमा २५ हजार १४९ जनाले मतदान गरेका थिए ।
