माधव नेपालको गृहजिल्ला राजदेवी नगरपालिकाको प्रमुखमा नेकपा एकीकृत समाजवादी विजयी

रौतहट । माधव नेपालको गृहजिल्ला राजदेवी नगरपालिकाको प्रमुखमा नेकपा एकीकृत समाजवादीका तर्फबाट मेयर उम्मेदवार रहेका भिखारी यादव विजयी भएका छन् ।

उनले पूर्व मेयर तथा नेपाली कांग्रेसका उम्मेदवार धिरेन्द्र सिंहलाई हराएका हुन । यादवले ७ हजार ५२ मत प्राप्त गरी विजय हुँदा सिंहले ३ हजार ७०७ मत प्राप्त गरेका छन् । यादवले सिंहलाई ३ हजार ३४५ मत अन्तरका साथ पराजित गरेका छन् ।

यसैगरी उपमेयरमा समाजवादीकै राजकुमारी देवीले ५ हजार ८४२ मत प्राप्त गर्दै निर्वाचित भएकी छिन् । उनका निकटतम प्रतिस्पर्धी नेपाली कांग्रेसकी अर्चना कुमारी यादवे ३ हजार १४९ मत प्राप्त गरेकी छिन् ।