सिन्धुलीको सुनकोशीमा गठबन्धनतर्फका उम्मेद्वार निर्वाचित
प्रकाशित मिति : 19 May, 2022 6:45 am
सिन्धुली । सिन्धुलीको सुनकोशी गाउँपालिका अध्यक्ष र उपाध्यक्ष गठबन्धनले जितेको छ । अध्यक्षमा माओवादी केन्द्रकी दिपा बोहोरा (दाहाल) र उपाध्यक्षमा नेपाली काँग्रेसका कपिल कोइराला निवर्चचित भएका छन् ।
गठबन्धनतर्फकी उम्मेद्वार दाहालले ५ हजार ३७६ मत प्राप्त गर्दा उनका प्रतिद्वन्द्वी नेकपा एमालेका रोमनराज गिरीले ५ हजार ९८ मत प्रप्त गरे । उपाध्यक्षमा कोइराला ६ हजार ५९४ मत प्राप्त गर्दै निर्वाचित भए भने उनका प्रतिद्वन्द्वी एमालेकी हेमा कुमारी अधिकारीले ३ हजार ९५८ मत प्राप्त गरिन् ।
