सूर्यविनायक नगरपालिकामा नेकपा एमाले विजयी
भक्तपुर । भक्तपुरकाे सूर्यविनायक नगरपालिकाे नगरप्रुमख र उपप्रमुखमा नेकपा एमाले विजयी भएको छ । नगरप्रुमखमा एमालेका उम्मेदवार वासुदेव थापा र उपप्रमुखमा एमालेकै सरिता भट्टराई विजयी भएकी छिन् ।
नगरप्रुमखमा गठबन्धनका तर्फबाट नेपाली काँग्रेसका उमेदवार निशान ढुंगेललाई १५२६ मतले हराउँदै थापा निर्वाचित भएका हुन् । थापाले १४ हजार ७ सय ५८ मत ल्याउदा ढुंगेलले १३ हजार २ सय ३२ मत पाएका छन् ।
यस्तै उपप्रमुखमा पनि एमालेकै सरिता भट्टराई विजयी भएकी छिन् । भट्टराईले गठबन्धनका उमेदवार नेकपा एकीकृत समाजवादीका श्यामसुन्दर बस्नेतलाई ७ हजार ८ सय २९ मत अन्तरले हराएकी हुन । भट्टराईले १३ हजार ४ सय ९० मत ल्याउदा बस्नेतले ६ हजार ६ सय ६१ मत मात्र पाएका छन् ।
सूर्यविनायक नगरका १० मध्ये काँग्रेसले २, ३, ४, ६ र ९ नं र एमालेले वडा नम्बर १, ५, ७, ८ र १० मा विजयी हासिल गरेको छ ।
