शितगंगा नगरपालिकाको नगरप्रमुखमा नेपाली काँग्रेस विजयी

अनिल नेपाली
अर्घाखाँची । देशकै सबैभन्दा ठुलो नगरपालिका शितगगा नगरपालिकाको नगर प्रमुखमा गठबन्धनबाट नेपाली काँग्रेसका छबिलाल पौडेलले विजयी भएका छन् ।

पौडेले निकटम प्रतिस्पर्धी नेकपा एमालेका बसन्त कुमार श्रेष्ठलाई पराजित गरेका हुन । पौडेलले १००७८ मत प्राप्त गर्दा श्रेष्ठले ९८९२ मत ल्याएका छन् ।

त्यस्तै उपप्रमुखमा नेकपा एमालेकी गिता भाट निर्वाचित भएकी छन् । उनले गठबन्धनबाट उमेदवार बनेकी माओबादी केन्द्रकी टीका रेश्मीलाई हराएकी हुन । भाटले १०२७८ मत प्राप्त गर्दा रेश्मीले ८०५७ मत प्राप्त गरेकी छिन् । भाट २०७४ को निर्वाचनमा थोरै मतले टीका रेस्मिसँग पराजित भएकी थिइन् ।

शितगंगा नगरपालिकाका १४ वडा मध्ये एमालेले ६, ७, ९, १०, ११, १२ र १३ जितेको छ भने गठबन्धनबाट कांग्रेसले वडा १, २, ३, ४, ५ र १४ र माओवादीले वडा नम्बर ८ जितेको छ ।