कैलालीको घोडाघोडी नगरपालिकाको मेयरमा एकीकृत समाजवादीका खडकबहादुर रावत विजयी
प्रकाशित मिति : 19 May, 2022 11:03 am
धनगढी । कैलालीको घोडाघोडी नगरपालिकाको मेयरमा एकीकृत समाजवादीका खडकबहादुर रावत विजयी भएका छन् । रावतले एमालेका ममताप्रसाद चौधरीलाई हराएका हुन् । चौधरीले २०७४ को चुनावमा मेयर जितेका थिए।
रावतले १३१२८ मत पाउँदा चौधरीले ८२४१ मत पाएका छन् । सुदूरपश्चिममा नेकपा (एकीकृत समाजवादी)को याे पहिलो मेयर जित हो ।
त्यस्तै उपमेयरमा कांग्रेसकी गुलियाकुमारी चौधरी विजयी भएकी छन्। उनले एमालेकी करूणादेवी बटालालाई हराएकी हुन्।
