तीन दिनदेखि सुनको मूल्य स्थिर
प्रकाशित मिति : 24 May, 2022 12:02 pm
काठमाडौं । नेपाली बजारमा पछिल्लो तीन दिनदेखि सुनको मूल्य स्थिर रहेको छ । नेपाल सुनचाँदी व्यवसायी महासंघका अनुसार आज मंगलबार पनि छापावाला सुनको मूल्य स्थिर रही ९८ हजार रुपैयामा कारोबार भइरहेको जनाएको छ । आइतबार र सोमबार पनि छापावाला सुन सोही मूल्यमा कारोबार भएको थियो ।
त्यस्तै तेजावी सुन पनि स्थिर रही तोलाको ९७ हजार ५००रुपैयाँमा कारोबार भएको छ ।
आज मंगलबार चाँदीको मूल्य पनि स्थिर रहेको छ । महासंघका अनुसार चाँदीको मूल्य पछिल्लो ५ दिनदेखि स्थिर रही १२७० रुपैयाँमा कारोबार भइरहेको छ ।
