कपिलवस्तुमा बसको ठक्करबाट साइकलयात्रीको मृत्यु

गोरुसिङ्गे । कपिलवस्तुमा बसको ठक्करबाट एक साइकल यात्रीको मृत्यु भएको छ । कपिलवस्तुकाे गोरुसिङ्गे बनगाई सडक खण्ड अन्तर्गत खारखानीमा धनगढीबाट नारायणगढ तर्फ जाँदै गरेको ना ५ प ७७५ नम्बरको बसले ठक्कर दिदाँ साइकलमा सवार कपिलवस्तु नगरपालिका ९ जगदिशपुरका अशोक चौधरीको मृत्यु भएको हो ।

सडक किनारमा बिग्रेर रोकिराखेको टिप्परलाई ओभर ट्याक गर्ने क्रममा बसले ठक्कर दिँदा मृत्यु भएको प्रहरी कार्यालय गोरुसिंगेले जनाएको छ । ठक्कर दिने बस र चालक ईलाका प्रहरी कार्यालय गोरुसिंगेको नियन्त्रणमा रहेको जिल्ला प्रहरी कार्यालय कपिलवस्तुले जनाएको छ ।