सम्पर्कविहीन तारा एयरको विमानमा १६ नेपाली र ६ विदेशी सवार
प्रकाशित मिति : 29 May, 2022 11:33 am
काठमाडौं । पोखराबाट जोमसोमका लागि उडेको तारा एयरको जहाजमा १६ नेपाली र ६ जना विदेशी नागरिक सहित २२ जना रहेको खुलेको छ । जहाजमा १३ जना नेपाली, ४ जना भारतिय र २ जना विदेशी रहेको तारा एयर स्रोतले जनाएको छ ।
तारा एयरका अनुसार पोखराबाट जोमसोम उडेको तारा एयरको विमान मुस्ताङको लेतेमा पुगेपछि सम्पर्कबिहिन भएको हो । विमान १० बजेर १५ मिनेटमा जोमसोमका लागी टेकअफ भएको थियो ।
प्रहरीका अनुसार लेते क्षेत्रसम्म सम्पर्कमा रहेको विमान एकाएक सञ्चार सम्पर्कविहीन बनेको थियो । खोजी कार्य जारी रहेको प्रहरीले जानकारी दिएकाे छ ।
