मोरङको रतुमाईमा मोटरसाइकल दुर्घटना हुँदा एक जनाको मृत्यु

मोरङ । रतुमाई १ मा पर्ने आमबारी कुटुमगञ्जमा मोटरसाइकल दुर्घटनामा पररे मोरङको रतुमाईमा एक जनाको मृत्यु भएको छ ।

आइतबार बेलुका रतुमाई १ मा पर्ने आमबारी कुटुमगञ्ज सडकखण्डमा मोटरसाइकल दुर्घटना हुँदा मोटरसाइकल चालक २५ बर्षिय राजकुमार शर्माको मृत्यु भएको जिल्ला प्रहरी कार्यलय मोरङले जनाएको छ ।

प्रहरीका अनुसार तीव्र गतिमा रहेको मे ४ प ४५५१ नम्बरको मोटरसाइकल अनियन्त्रित भएर दुर्घटनामा भएको थियो । गम्भीर घाइते शर्मालाई उपचारका लागि रङ्गेली अस्पताल पुर्याइएको लगतै चिकित्सकहरूले मृत घोषणा गरेका थिए।

मोटरसाइकलको पछाडी सवार किसनकुमार कामत पनि घाइते भएका छन्। उनको रङ्गेली अस्पतालमा उपचार भइरहेको छ।