कपनस्थित धोबिखोलामा भेटियो पुरुषको शव
प्रकाशित मिति : 7 June, 2022 12:26 pm
काठमाडौं । कपनस्थित धोबिखोलामा एक पुरुषको शव फेला परेको छ ।
सुकेधारबाट कपन जानेबाटो नजिक धोबिखोलाको पुलमुनी एक पुरुष मृत अवस्थामा फेला परेको प्रहरी परिसर काठमाडौंका प्रवक्ता दिनेशराज मैनालीले जानकारी दिए ।
बिहान साढे ८ बजेतिर स्थानीयले खोलामा शव देखिएपछि प्रहरीलाई खबर गरेका थिए ।
धोबिखोला कोरिडोरको बाटो गोपीकृष्ण हलबाट अगाडि बढ्ने क्रममा निलो पुल पुग्नुअघि नवनिर्मित ढलाने पुलमुनि खोलामा बेवारिसे शव भेटिएको प्रहरीले जनाएको छ ।
शवको सनाखत भइ नसकेको र अहिले हराएका व्यक्तिका परिवारका सदस्यहरु सम्पर्कमा आएको प्रहरीले जनाएको छ ।
