प्रधानसम्पादक बुढाथोकी पुरस्कृत
प्रकाशित मिति : 8 June, 2022 2:45 pm
काठमाडौं । नेपाल धितोपत्र बोर्डले टक्सार म्यागेजिनका प्रधानसम्पादक गजेन्द्र बुढाथोकीलाई सम्मान गरेको छ । बोर्डको ३० औं वार्षिक उत्सवको अवसरमा आर्थिक पत्रकारिता पुरस्कार प्रदान गरिएकाे हाे।
आर्थिक पत्रकारितामा गरेकाे याेगदानकाे कदर गर्दै अर्थमन्त्री जनार्दन शर्माले सम्मान तथा पुस्कृत गरेका हुन्। बुढाथोकी पत्रकारीता क्षेत्रमा २७ वर्षदेखि कलम चलाउँदै आइराखेका छन् । बाेधी सञ्चार प्रा.लि. द्वारा प्रकाशित टक्सार म्यागजिनमा नियमित रूपमा आर्थिक विषयमा कलम चलाइरहेका छन्।
कार्यक्रममा अर्थमन्त्री जनार्दन शर्माले सेयर बजारको बिग्रदो अवस्थामा सुधार ल्याउनका लागि आवश्यक सुझाव दिन चार सदस्यीय सुझाव समिति गठन गरेको जनाएका छन् ।
