सुन प्रतितोला १५०० रुपैयाँ बढ्यो
प्रकाशित मिति : 12 June, 2022 12:26 pm
काठमाडौं । नेपाली बजारमा यो साताको पहिलो कारोबारमा छापावाला सुनको मूल्य ह्रातै बढेको छ । गत शुक्रबार ९७ हजार ७०० रुपैयाँमा कारोबार भएको छापावाला सुनको मूल्य आज प्रतितोला १५०० रुपैयाँले बढेर तोलाको ९९ हजार २०० रुपैयाँमा कारोबार हुन लागेको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको मूल्य प्रतितोला ९८ हजार ७०० रुपैयाँमा कारोबार भइरहेको छ ।
आज चाँदीको मूल्य पनि उकालो लागेको छ । अघिल्लो कारोबारको तुलनामा आज चाँदीको मूल्य १५ रुपैयाँले बढेर तोलाको १२८० रुपैयाँमा कारोबार भइरहेको छ ।
