तनहुँमा चितुवाको आक्रमणबाट एक बालकको मृत्यु
प्रकाशित मिति : 15 June, 2022 7:57 am
तनहुँ । तनहुँको बन्दीपुर गाउँपालिका वडा नम्बर १ बोडीस्वाँरामा चितुवाको आक्रमणबाट एक जना बालकको मृत्यु भएको छ । मृत्यु हुनेमा पाँच वर्षका सुपिम्र रिलामी रहेका छन् ।
मंगलबार घरको आँगनमा खेलिरहेका बेला उनलाई चितुवाले आक्रमण गरेको थियो। चितुवाले बालकको घाँटीमा चिथोरेको अवस्थामा उनको शव घर नजिकै छपेली सामुदायिक वनमा फेला परेको प्रहरीले जनाएको छ।
पछिल्लो समय तनहुँमा फेरि चितुवाको आतंक बढेको छ। गत शनिबार र आइतबार चितुवाको आक्रमणबाट बन्दीपुर वडा नम्बर १ र ४ मा दुई जना घाइते भएका थिए।
