ताप्लेजुङको पहिरोमा बेपत्ता सासु- बुहारी मृत भेटिए
प्रकाशित मिति : 17 June, 2022 11:49 am
ताप्लेजुङ । ताप्लेजुङको सिरीजङ्घा गाउँपालिका–७ खेवाङमा गए राति झरेको पहिरोमा पुरिएर बेपत्ता भएका सासु र बुहारी मृत अवस्था भेटिएका छन् ।
गए राति वर्षासँगै झरेको पहिरोमा विष्णु अधिकारीको घर पुरिदा उनकी आमा तुलसा अधिकारी र श्रीमती यशोदा अधिकारी बेपत्ता भएका थिए ।
विष्णु अधिकारी भने भागेर ज्यान जोगाउन सफल भएका थिए । उनी गम्भीर घाइते भएकाले हेलिकप्टरबाट उपचारका लागि लैजाने तयारी भइरहेको छ ।
