खयरको काठसहित एकजना प्रकाउ

स्याङ्जा । स्याङ्जाको चापाकोट नगरपालिका वडा नम्बर ७ बाट खयरको काठसहित एक जना पक्राउ परेका छन् । पक्राउ पर्नेमा पाल्पा रामपुर नगरपालिका वडा नम्बर ६ का २३ वर्ष सोम बहादुर कुमाल रहेको प्रहरीले जानकारी दिएको छ । कुमाल ट्रयाक्टर चालक पनि हुन् ।

जिल्ला प्रहरी कार्यलय स्याङ्जाका अनुसार खहरे तिलपुर सामुदायिक वनबाट लोड गरिरहेको अवस्थामा खयरको काठसहित लु ३ त ३३४२ नम्बरको ट्याक्टर प्रहरीले नियन्त्रणमा लिएको हो ।

ट्याक्टर, ट्याक्टर चालक र बरामद गरेको खयरको काठ सहित आवश्यक कारर्वाहीको लागि सव डिभिजन वन कार्यालय दामाचौरमा बुझाएको प्रहरीले जनाएको छ ।