सार्वजनिक विदाका दिनमा सञ्चालित सवारी साधनहरू नियन्त्रणमा

स्याङ्जा । स्याङ्जामा सार्वजनिक विदाका दिनमा सार्वजनिक कार्यालयका सवारी साधानहरुको दुरुपयोग बढेपछि प्रहरीले चार वटा सवारी साधानलाई नियन्त्रणमा लिएको छ ।

गृह मन्त्रालय र जिल्ला प्रशासन कार्यालय स्याङ्जाको पत्रादेश कार्यान्वयन गर्न लागिपरेको स्याङ्जा प्रहरीले असार ४ गते शनिबार केही कार्यालयका मोटरसाइकल पक्राउ गरी सम्बन्धित कार्यालय प्रमुखलाई जिम्मा लगाइएको जिल्ला प्रहरी कार्यालय स्याङ्जाका प्रहरी नायब उपरीक्षक रविन्द्र खनाले जानकारी दिए ।

पक्राउ पर्नेमा पुतलीबजार नगरपालिका वडा नम्बर १ को मोटरसाइकल, पुतलीबजार वडा नम्बर ९ को मोटरसाइकल, कृषि ज्ञानकेन्द्र विरौटाको मोटरसाइकल र पूर्वाधार विकास कार्यालय स्याङ्जाको मोटरसाइकल रहेको प्रहरीले जनाएको छ ।