पूर्वप्रधानमन्त्री खनालको सुरक्षामा खटिएको प्रहरीको गाडीले मोटरसाइकललाई ठक्कर दिँदा १ जना घाइते

काठमाडौं । पूर्व प्रधानमन्त्री झलानाथ खनालको सुरक्षामा खटिएको प्रहरीको गाडीले मोटरसाइकललाई ठक्कर दिएकाे छ ।

काठमाडौंको त्रिपुरेश्वरबाट कलंकीतर्फ जाँदै गरेको बा ४४ प ६३८६ को मोटरसाइकललाई विपरित दिशाबाट लेन मिचेर आएको खनालकाे अगुवा गाडीले टेकुको उद्योग विभाग अगाडि ठक्कर दिएको हो ।

गाडी चालकको लाइसेन्स ट्राफिकले लिएको छ । मोटरसाइकल चालक सामान्य घाइते भएको र उपचारका लागि अस्पताल लगिएकाे छ । मोटरसाइकलमा सामान्य क्षति पुगेको छ ।

यात्रुले खनालको गाडीलाई केही समय अवरोध समेत गरेका थिए । गाडीलाई छोडिएको भन्दै डुयुटीमा खटिएको ट्राफिक प्रहरीसँग यात्रुको केहीबेर भनाभन समेत भएको थियो । ट्राफिक प्रहरीले भने आफूले लाइसेन लिएको बताएपछि यात्रु केही शान्त भएका थिए ।

लेख मिचेर गलत साइडमा आएको गाडीलाई अर्को लेनमा लगिएपछिको थियो ।