पहिरो खस्दा बुटवल – पाल्पा सडक खण्ड अवरुद्ध
प्रकाशित मिति : 28 June, 2022 10:43 am
बुटवल । बुटवल–पाल्पा सडक खण्डमा पहिरो झरेपछि राजमार्ग अवरुद्ध भएको छ ।
पाल्पाको तिनाउ गाउँपालिका–३ ड्यामसाइड नजिकै सडक माथिबाट पहिरो खस्दा मंगलबार बिहानदेखि सिद्धार्थ राजमार्गको बुटवल–पाल्पा सडक खण्ड अवरुद्ध भएको हो ।
ढुंगासहित पहिरो खसेको र पहिरो झर्न नरोकिएकाले सडक सञ्चालन हुन केही घण्टा लाग्ने लुम्बिनी प्रदेश ट्राफिक प्रहरी कार्यालय बुटवलले जनाएको छ ।
