गल्याङ जेसीसद्धारा घाइते परिवारलाई आर्थिक सहयोग हस्तान्तरण

स्याङ्जा । स्याङ्जाको गल्याङमा अविरल वर्षाका कारण गोठेघर भत्किदा ज्यान गुमाएको परिवारलाई गल्याङ जेसीसले आर्थिक सहयोग गरेको छ । असार १६ गते आएको अविरल बर्षाका कारण घर भत्किदा १५ वर्षीय रेखा भट्टराईको मृत्यु भएको थियो भने उनका दाजु लक्ष्मण भट्टराई घाइते भएका थिए ।

घाइतेको उपचारको लागि गल्याङ जेसीज द्वारा एकचालिस हजार एक सय साठी रुपैया आर्थिक सहयोग प्रदान गरेको छ ।

सहयोग हस्तान्तरण कार्यक्रममा गल्याङ नगरपालिका वडा १० का वडा अध्यक्ष मुक्ति प्रसाद खनालले जेसीसले दुखद घडिमा सहयोग गरेको प्रती धन्यवाद दिएका थिए । गल्याङ जेसीसले बिपत्ति बेलामा सहयोग गर्दै आएको बताएका थिए ।