बेलायतका प्रधानमन्त्री बोरिस जोन्सनलाई कोरोना भाइरसको संक्रमण
एजेन्सी, १४ चैत ।
बेलायतका प्रधानमन्त्री बोरिस जोन्सनलाई कोरोना भाइरसको संक्रमण भएको छ । परीक्षणका क्रममा प्रधानमन्त्री बोरिसलाई कोरोना भाइरसको संक्रमण भएको भेटिको प्रधानमन्त्री कार्यालयले जनाएको छ । प्रधानमन्त्री बोरिस अब सरकारी कार्यालय डाउनिंग स्ट्रीटमै आइशोलेसनमा रहने छन् ।
बोरिसमा हल्का लक्षण देखिएको छ । बीबीसीका अनुसार मुख्य चिकित्सा अधिकारी,प्रोफेसर क्रिस व्हिट्टीको व्यक्तिगत सल्लाहमा प्रधानमन्त्री बोरिसले कोरोना भाइरसको परीक्षण गराएका थिए । परीक्षणका क्रममा संक्रमण देखिएको हो ।
उनले सामाजिक सञ्जाल ट्वीटर मार्फत आफूलाई संक्रमण भएको जानकारी गराएका छन् । उनले भनेका छन्,‘पछिल्लो २४ घण्टामा मलाई हल्का लक्षण विकसित भएका महसुस गरेको थिएँ र परीक्षण गर्दा संक्रमण देखिएको छ । म अहिले सेल्फ आइसोलेशनमा छुँ तर भीडियो कन्फ्रेन्सको माध्यमबाट जानकारी लिएर सरकारको नेतृत्व जारी राख्नेछु किन कि हामी यो भाइरससँग लड्नु छ । ’