उपसभामुखको निर्वाचन आज
प्रकाशित मिति : 15 July, 2022 8:51 am
काठमाडौं । प्रतिनिधिसभाको उपसभामुख चयनका लागि आज निर्वाचन हुँदैछ । दिउँसो ३ बजे बस्ने प्रतिनिधिसभाको बैठकमा उपसभामुख चयन प्रक्रिया सुरु हुनेछ ।
२०७६ साल माघ ६ गते तत्कालीन उपसभामुख शिवमाया तुम्बाहाम्फेले राजीनामा दिएपछि खाली रहेको यो पदमा आज निर्वाचन हुँदैछ ।
निर्वाचनका लागि बिहीबार नै उम्मेदवारी दर्ता भई अन्तिम नामावलीसमेत प्रकाशित भइसकेको छ । उपसभामुख पदका लागि सत्ता गठबन्धनका तर्फबाट नेपाली कांग्रेसकी नेत्री पुष्पा भुसाल र नेकपा एमालकी विद्या भट्टराई प्रतिस्पर्धामा छन् । ।
