साउनको पहिलो कारोबारमा घट्यो सुन

काठमाडौं । नेपाली सुनचाँदी बजारमा सुनको मूल्यमा गिरावट आएको छ । नेपाल सुनचाँदी व्यवसायी महासंघको जानकारी अनुसार साउनको पहिलो दिनको कारोबारमा सुनको मूल्यमा गिरावट आएको हो । महासंघको विवरण अनुसार छापावाला सुनको मूल्य गत दिनकाे कारोबारको तुलनामा २०० रुपैयाँले घटेर तोलाको ९३ हजार ६०० रुपैयाँमा कारोबार भइरहेको छ ।

त्यस्तै आज तेजावी सुन ९३ हजार १०० रुपैयाँमा कारोबार भइरहेको छ ।

आज चाँदीको मूल्य भने उकालो लागेको छ । गत शुक्रबार ११४५ रुपैयाँमा कारोबार भएको चाँदीको मूल्य तोलाका १५ रुपैयाँले बढेर तोलाको ११६० रुपैयाँमा कारोबार भइरहेको छ ।