प्रतिनिधिसभाकी उपसभामुख पुष्पा भुषालले सपथ लिइन्
प्रकाशित मिति : 17 July, 2022 5:32 pm
काठमाडौं । प्रतिनिधिसभाकी उपसभामुख पुष्पा भुषाल गौतमले सपथ लिएकी छन् ।
आइतबार राष्ट्रपति कार्यालय शीतल निवासमा सभामुख अग्निप्रसाद सापकोटाले भुसाललाई पद तथा गोपनीयताको शपथ गराएका छन् । गौतम शुक्रबार उपसभामुखमा निर्वाचित भएकी थिइन् ।
सपथग्रहण समारोहमा उपराष्ट्रपति नन्दबहादुर पुन, राष्ट्रियसभा अध्यक्ष गणेश प्रसाद तिमिल्सिना, प्रधानमन्त्री शेरबहादुर देउवालगायत उपस्थित थिए ।
गठबन्धनबाट उम्मेदवार बनेकी नेपाली कांग्रेसकी सांसद भुसालले शुक्रबारको निर्वाचनमा एमालेकी विद्या भट्टराईलाई पराजित गरेकी हुन्।
