स्वीकृत नक्शा बमोजिम प्रयोगमा ल्याउन काठमाडौंं शहरी व्यवस्थापन विभागको निर्देशन
काठमाडौं । काठमाडौं महानगरपालिकाको शहरी व्यवस्थापन विभागले अन्डरग्राउन्ड पार्किङका लागि गराइएका भवनहरुमा पार्किङ भन्दा अन्य प्रयोजनका लागि प्रयोग नगर्न निर्देशन दिएको छ ।
शहरी व्यवस्थापन विभागले एक सूचना जारी गर्दै (भवन निमार्ण इजाजत विभाग)बाट जमिन तल्ल, वेसमेन्टमा गाडी पार्किङ जस्ता प्रयोजन गर्न गरी नक्शा स्वीकृत गरिएका भवनहरुले भवनको निर्माण सम्पन्र पश्चात् प्रयोगमा ल्याउन अपिल गरेको छ ।
विभागले केही भवनहरुले स्वीकृत नक्शा बमोजिम बेसमेन्ट, गोदाम, र जमिन तल्लामा नक्शा स्वीकृत बमोजिम प्रयोग नगरी अन्य प्रयोजनमा प्रयोग गरेको हुदाँ सूचना प्रकाशित गरिएको ३५ दिन भित्र काठमाडौं महानगरपालिकामा नक्सा स्वीकृत गरे अनुसारको प्रयोजनमा ल्याउन जानकारी दिएको छ ।
उक्त विषयमा काठमाडौं महानगरपालिका नगरप्रमुख बालेन्द्र शाहाले अन्डरग्राउन्ड पार्किङका लागि अनुमति लिएर नक्सापास गराइएका भवनहरुमा पार्किङ भन्दा अन्य प्रयोजनका लागि प्रयोग भइरहेका जानकारी तथा गुनासोहरु आएका छन् । महानगरले यो सम्बन्धी सूचना जारी गरेको छ ।अन्डरग्राउन्ड पार्किङमा मात्रै होइन, जे कुरा जुन प्रयोजनका लागि भनेर बनाइएका छन्, अनुमति लिइएका छन्, तिनलाई आपतकालिन वा अतिविशेष बाहेकको अवस्थामा अन्य काममा प्रयोग गर्नु गैरकानुनी हो । त्यस्तो नगरौँ । महानगर व्यवस्थापनमा सबै जिम्मेवार बनौँ । भन्दै सामाजिक सञ्जाल मार्फत एक स्टाटस लेखेका छन् ।
त्यसैगरि उक्त विषयमा महानगरीय ट्राफिक प्रहरी कार्यलयले आज पत्रकार भेटघाट कार्यक्रम आयोजना गर्दै सवारी पाकिङ्गको समस्यालाई छिटोभन्दा छिटो हल गर्ने बताएको थियो ।
