विश्व युवा विकास मञ्च चीनमा आयोजना हुने
प्रकाशित मिति : 20 July, 2022 9:26 am
![](https://i0.wp.com/www.lumbinisanchar.com/wp-content/uploads/2022/07/wydf_banner-e1658288450321.jpg?fit=561%2C340&ssl=1)
बेइजिङ। विश्व युवा विकास मञ्च जुलाई २१ देखि २३ तारिखसम्म अनलाइन र अफलाइन माध्यमबाट चीनमा आयोजना हुने भएको छ । सम्मेलनमा १०० भन्दा बढी देशका करिब दुई हजार युवा प्रतिनिधिहरू सहभागी हुने कार्यक्रम आयोजकले जनाएको छ।
अखिल चाइना युथ फेडेरेसनको पहलमा यो फोरमले रोजगारी र उद्यमशीलता, जलवायु परिवर्तन र हरित विकास, डिजिटल अर्थतन्त्र र उच्च गुणस्तरीय शिक्षा जस्ता विषयहरूमा छलफल गर्नेछ।
फोरमको मुख्य उद्देश्य विभिन्न विषयहरू समेटेर विश्वव्यापी विकास साझेदारी निर्माण गर्ने रहेको छ । फोरमले “साझेदारी भविष्यका लागि: युवा र युवाका लागि दिगो विकासको प्रवर्द्धन” शीर्षकमा मुख्य भाषण, गोलमेज छलफल, केस स्टडी र अनलाइन छलफलहरू गर्नेछ।
-रासस-सिन्ह्वा