धौलागिरी लघुवित्तले साउन २४ गतेदेखि आइपीओ निष्काशन गर्ने
काठमाडौ । धौलागिरी लघुवित्त वित्तीय संस्था लिमिटेडले साधारण सेयर आइपीओ निष्काशन गर्ने भएको छ । संस्थाले यति साउन २४ गतेबाट सर्वसाधारणका लागि ३ लाख बढि कत्तिा आईपीओ बिक्री खुला गर्ने भएको छ।
संस्थाले १०० रुपैयाँ अंकित दरका कुल ३ लाख ३१ हजार कित्ता आईपीओ बिक्री गर्नेछ। जसमा ५ प्रतिशतले हुन आउने १६ हजार ५५० कित्ता सामूहिक लगानी कोष र ०.५ प्रतिशतले हुन आउने ५ हजार १५५ कित्ता सेयर कर्मचारीका लागि छुट्याइएको छ। बाँकी ३ लाख ९ हजार २९५ कित्ताका लागि सर्वसाधारणले आवेदन दिन सक्नेछन्।
यो आईपीओमा लगानीकर्ताले न्यूनतम १० कित्तादेखि अधिकतम १ हजार कित्ताको लागि आवेदन दिन सक्नेछन्। लगानीकर्ताले नेपाल धितोपत्र बोर्डबाट अनुमति प्राप्त सी–आस्बा सेवामा सहभागी बैंक तथा वित्तीय संस्था र तिनले तोकेका शाखा कार्यालय र मेरो सेयरमार्फत आवेदन दिन सक्छन्।
धौलागिरी लघुवित्तको आईपीओमा छिटोमा साउन २९ गतेसम्म र ढिलोमा भदौ ७ गतेसम्म आवेदन खुला गरिनेछ। धौलागिरी लघुवित्तको आईपीओ बिक्री प्रबन्धकमा सनराइज क्यापिटल लिमिटेड रहेको छ।
