२४ घण्टामा थपिए ५६८ जना संक्रमित, १ जनाको मृत्यु
प्रकाशित मिति : 25 July, 2022 4:58 pm
काठमाडौं । पछिल्लो २४ घण्टामा देशभर थप ५६८ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार आज देशभर भएको ४८०० परीक्षणमा थप ५६८ जनामा कारोना संक्रमण पुष्टि भएको छ ।
पीसीआर बिधिबाट भएको ३०८४ परीक्षण र एन्टीजेन बिधिबाट भएको १७१६ नमुनामा परीक्षणमा पीसीआर बिधिबाट ४५३ जना र एन्टीजेन बिधिबाट ११५ जना गरी थप ५६८ जनामा संक्रमण पुष्टि भएको मन्त्रालयले जनाएको छ ।
त्यस्तै आज ९५ जना संक्रमण मुक्त भएका छन् । देशभर ३५३४ जना संक्रिय संक्रमित रहेका छन् । २४ घण्टामा संक्रमणबाट १ जनाको ज्यान गएको छ ।
