चितवन,पर्सा लगायत तराईका केही स्थानमा भारी बर्षा, उच्च सतर्कता अपनाउन आग्रह
प्रकाशित मिति : 28 July, 2022 8:15 am
काठमाडौं । हाल देशभर आंशिक देखि सामान्य बदली रही बागमती, गण्डकी र लुम्बिनी प्रदेशका थोरै स्थानहरुमा हल्का देखि मध्यम वर्षा भइरहेको छ।
चितवन, बारा, पर्सा, नवलपरासी, रुपन्देही र कास्कीका केही स्थानमा भारी वर्षा भएको महाशाखाले जनाएको छ । सो क्षेत्र भएर बहने रिउखोला र अन्य खहरे खोलामा आकस्मिक बाढी आउनसक्ने, नदी तटीय क्षेत्र तथा डुबान हुने क्षेत्रहरूमा उच्च सतर्कता अपनाउन महाशाखाले आग्रह गरेको छ ।
प्रदेश १, मधेश प्रदेश, बागमती प्रदेश, गण्डकी र लुम्बिनी प्रदेशका एक वा दुई स्थानमा भारी वर्षाको सम्भावना रहेको छ ।
