आगामी मंसिर ४ गते निर्वाचन गर्ने मन्त्रिपरिषद्को निर्णय
प्रकाशित मिति : 4 August, 2022 2:18 pm
काठमाडौं । सरकारले आगामी मंसिर ४ गते संघ र प्रतिनिधि सभाको निर्वाचन गर्ने निर्णय गरेको छ । बिहीबार बसेको मन्त्रीपरिषद्को बैठकले मंसिर ४ गते एकै चरणमा निर्वाचन गर्ने निर्णय गरेको एक मन्त्रीले जानकारी दिए ।
बुधवार बसेको सत्ता गठबन्धनको बैठकले मंसिर पहिलो साता चुनावको मिति घोषणा गर्न सरकारलाई सुझाव दिएको थियो । निर्वाचन आयोगले मंसिर २ गते देखि ५ गतेभित्र चुनाव गर्न सिफारिस गरेको थियो ।
