परराष्ट्रमन्त्री खड्का आज चीन भ्रमणमा जाँदै
प्रकाशित मिति : 9 August, 2022 7:24 am
काठमाडौं । परराष्ट्रमन्त्री नारायण खड्का आज चीन भ्रमणमा जाँदैछन्। ११ सदस्यीय टोलीको नेतृत्व गर्दै मन्त्री खड्का तीनदिने चीन भ्रमणमा जान लागेका हुन ।
परराष्ट्र मन्त्रालयका अनुसार मन्त्री खड्काको भ्रमणले ‘दुई मुलुकबीच विश्वासको वातावरण बढाउन’ केन्द्रित रहनेछ। मन्त्री खड्काले बुधबार चिनियाँ समकक्षी वाङ यीसँग चीनको सान्तोङ प्रान्तको छिङ्ताओमा भेट्ने कार्यक्रम तय भएको छ।
चीनका परराष्ट्र मन्त्रीको निम्तोमा मन्त्री खड्का भ्रमणमा जान लागेका हुन्। उनी बिहीबार स्वदेश फर्किने कार्यक्रम छ।
