हिमालयन बैंक र अमेरिकन एक्स्प्रेसले ल्यायो दुईवटा नयाँ कार्ड संचालनमा

काठमाडौं । हिमालयन बैंक र अमेरिकन एक्स्प्रेसले दुईवटा नयाँ कार्डहरु संचालनमा ल्याएको छ । नेपालमा आफ्ना स्थानीय ग्राहकहरुका लागि हिमालयन बैंक अमेरिकन एक्स्प्रेस क्रेडिट कार्ड र हिमालयन बैंक अमेरिकन एक्स्प्रेस प्रिपेड कार्ड गरि आफ्ना दुईवटा नयाँ कार्डहरु संचालनमा ल्याएका हुन्।

हिमालयन बैंक अमेरिकन एक्स्प्रेस क्रेडिट कार्ड विशेष गरि विभिन्न क्षेत्रमा भ्रमण गर्ने तथा विभिन्न सरसमानहरु खरिद गर्ने खरिदकर्ताहरु तथा हिमालयन बैंक अमेरिकन एक्स्प्रेस प्रिपेड कार्ड उच्च शिक्षा अध्ययनका लागि विदेश जाने विद्यार्थी तथा अन्य यात्रीहरुका लक्षित गरि जारी गरिने बैंकले जनाएको छ । उक्त कार्ड प्रयोगकर्ताहरुले कार्डबाट भुक्तानी गर्दा विभिन्न लाभ, छुटहरु पाई आफ्नो खर्चहरु व्यवस्थापन सहज बनाउन सक्ने बैंकले उल्लेख गरेको छ ।

बैंकका प्रमुख कार्यकारी अधिकृत अशोक शम्शेर राणाले अमेरिकन एक्स्प्रेससंग हिमालयन बैंकको लामो समय देखिको सम्बन्ध रहेको र विभिन्न वर्गका ग्राहकहरुलाई लक्षित गरि दुईवटा नयाँ कार्डहरु संचालनमा ल्याई उक्त सम्बन्धलाई निरन्तरता दिन सकेकोमा खुशी व्यक्त गरे । उक्त कार्डहरुले तथा विभिन्न मुलुक भ्रमण गर्ने स्थानीय ग्राहकहरुलाई सुविधा प्रदान गरि प्रत्येक कारोवारमा फाइदा प्रदान गर्ने उनले बताएका छन्।

अमेरिकन एक्स्प्रेस दक्षिण एसियाका भाइस प्रेसिडेन्ट तथा व्यापार प्रमुख, नेटवर्क पार्टनरसिप दिव्या जैनले नेपालमा अमेरिकन एक्स्प्रेसको दुईवटा नयाँ कार्डहरु को सेवा शुरु गर्न पाउँदा उत्साहित भएको बताईन् ।

उच्च शिक्षा अध्ययनको लागि पनि यहि समयमा विद्यार्थीहरु विभिन्न मुलुकका विश्वविद्यालयहरुमा जाने भएकोले पनि उनीहरुलाई विशेष फाइदा पुग्ने बैंकले उल्लेख गरेको छ ।

बैंकका अनुसार हिमालयन बैंक अमेरिकन एक्स्प्रेस केडिट कार्डका प्रयोगकर्ताहरुले कार्डको माध्यमबाट अनलाइन भुक्तानी लगायत स्थानीय कारोबार गरे बापत ०.५०% वा बढीमा ने.रु. ३,०००.०० प्रति वर्ष सम्म नगद फिर्ता (क्यास ब्याक) प्राप्त गर्न सक्ने छन् । हिमालयन बैंक अमेरिकन एक्स्प्रेस प्रीपेड कार्ड प्रयोगकर्ताहरु विशेष गरी विदेश भ्रमण र उच्च शिक्षा हासिल गर्न विदेश जाने विद्यार्थीहरुले कार्डको माध्यमबाट अनलाइन भुक्तानी लगायत स्थानीय कारोबार गरे बापत ०.५०% वा बढीमा ने.रु. २,४००.०० प्रति वर्ष सम्म नगद फिर्ता (क्यास ब्याक) प्राप्त गर्न सक्ने बैंकले जनाएको छ ।

त्यस्तै केडिट कार्डका प्रयोगकर्ताहरुले क्लब हिमालयमा कम्तिमा २ रातको बुकिङ्ग गर्दा होटलका तर्फ बाट १ रात निःशुल्क प्राप्त गर्ने, युनाइटेड कलरस् अफ बेनेटनमा सामान खरिद गर्दा १०% छुट प्राप्त गर्ने, स्पोर्टस् प्लाजाका सम्पुर्ण सामानहरुमा १५% छुट प्राप्त गर्ने, मिसियोमा ३३% छुट र एपिक माउन्टेन बाइकस्मा १०% सम्मका छुट प्राप्त गर्न सकिने बैंकले जनाएको छ ।

बैंकका अनुसार प्रिपेड कार्ड प्रयोगकर्ताहरुले संसारभरीका लाउन्जबडी लाउन्जेजमा प्रवेश पाउनेछन्, भने धधध.चभलतबअिबचक.अयm बाट बुकिङ्ग गर्दा १०% छुट र एभिस कारस्मा बुकिङ्ग गर्दा १५% सम्मको छुट प्राप्त गर्न सकिने छ। त्यस्तै कार्ड प्रयोगकर्ताहरुले स्पोर्टस् प्लाजाका सम्पुर्ण सामानहरुमा १५% सम्मको छुट, मिसियोमा ३३% छुट र धधध.दययपष्लन.अयm मा ४०% सम्मको छुट प्राप्त गर्न अकने बैंकले जनाएको छ ।