अपर हेवाखोला हाइड्रोपावरको आजदेखि कारोबार सुरु

काठमाडौं । अपर हेवाखोला हाइड्रोपावर कम्पनी लिमिटेडको पहिलो कारोबार आजदेखि सुरु भएको छ । नेपाल स्टक एक्सचेञ्ज (नेप्से) मा आज (साउन २६ गते, बिहीबार) १३०.२० रुपैयाँमा पहिलो कारोबार भएसँगै धितोपत्र दोस्रो बजारमा कारोबार सुरु भएको हो ।

स्पेशल प्रि ओपनिङ्ग सेसनमा कम्पनीको पहिलो कारोबार प्रतिकित्ता १ सय ३० रुपैयाँ २० पैसामा भएको छ ।

नेप्सेले कम्पनीको पहिलो कारोबारका लागि प्रति सेयर न्युनतम एक सय रूपैयाँदेखि अधिकतम ३ सय रुपैयाँसम्म ओपनिङ रेञ्ज निर्धारण गरेको थियो । कम्पनीले दोश्रो बजारमा कारोबारका लागि युहेवा सिम्बोल प्रदान गरेको छ ।

बुधबार कम्पनीको ५० लाख कित्ता साधारण सेयर (आईपीओ) धितोपत्र सूचीकरण विनियमावली, २०७५ बमोजिम नेप्सेमा कारोबार हुन सक्ने गरी सूचीकृत भएको थियो ।