पाल्पामा पौडी खेल्ने क्रममा डुबेर एक जनाको मृत्यु
प्रकाशित मिति : 12 August, 2022 2:04 pm
पाल्पा । पाल्पाको रैनादेवीछहरा गाउँपालिका वडा नम्बर १, मा पौडी खेल्ने क्रममा डुबेर गए राति एक जनाको मृत्यु भएको छ ।
गुल्मीको छत्रकोट गाउँपालिका वडा नम्बर ३ चोयघा घर भई हाल मामाघर आएका १४ वर्षीय मनोज रेश्मीको डुबेर मृत्यु भएको हो । मामाघर नजिकै डमराई पोखरीमा पौडी खेल्ने क्रममा उनी डुबेर बेहोस भएका थिए ।
बेहोस भएका रेश्मीलाई उपचारका लागि युनाइटेड मिसन अस्पताल तानसेन लगिएको थियो । उनको जिल्ला अस्पताल तानसेनमा उपचारका क्रममा मृत्यु भएको जिल्ला प्रहरी कार्यालयले जनाएको छ ।
