धादिङमा चार घण्टा विद्युत आपूर्ति बन्द
प्रकाशित मिति : 14 August, 2022 10:09 am
धादिङ । आज आइतबार धादिङमा चार घण्टा विद्युत आपूर्ति बन्द भएको छ । नेपाल विद्युत् प्राधिकरण धादिङ वितरण केन्द्रले आज (आइतबार) बिहान ६:०० बजेदेखि १०:०० बजेसम्म धादिङबेशीं सवस्टेसन हुने क्षेत्रमा विद्युत सेवा अवरुद्ध हुने जनाएको थियो ।
प्राधिकरणले धादिङबेशी सवस्टेशनको स्वीचयार्ड तथा सवस्टेशनमा समस्या भएकोले मर्मत तथा सुधार गर्नका लागि विद्युत सेवा बन्द गरिएको सुचना प्रकाशित जानकारी दिएको थियो ।
प्राधिकरणले विद्युत आपूर्ति बन्दका कारण ग्राहक वर्गमा पर्न जाने असुविधाप्रति क्षमा माग्दै कार्य सकिएलगतै जुनसुकै बेला विद्युत सुचारु हुने जनाएको थियाे ।
