रोल्पा रेडक्रसमा नयाँ नेतृत्व

रोल्पा । नेपाल रेडक्रस सोसाइटी रोल्पा शाखाको नयाँ नेतृत्व चयन भएको छ। शाखाको ३४ औं साधारण सभा तथा ११ औं जिल्ला अधिवेसनबाट डीबी टुहुरोको नेतृत्वमा नयाँ जिल्ला कार्यसमिति निर्वाचित भएकाे हाे ।

कार्यसमितिको उपसभापतिमा टिका कुमारी बुढामगर र रुपकला घर्तीमगर निर्वाचित भएका छन् भने मन्त्रीमा अमर घर्तीमगर निर्वाचित भएको निर्वाचन अधिकारीको कार्यालयले जनाएको छ ।

कोषाध्यक्षमा भिम बहादुर बुढा मगर, उपमन्त्रीमा ध्रुवचन्द्र पुन र उपकोषाध्यक्षमा सुनबहादुर पुन निर्वाचित भएका छन् । महिला सदस्यहरुमा भगवती मल्ल, त्रिपनी बैजाली र लक्ष्मी डाँगी निर्वाचित भएका छन् ।

सदस्यहरुमा नाैल सिंह पुन, मानबहादुर घर्तीमगर, लछिराम थापा, प्रवेशप्रसाद बुढामगर, धनीराम बुढामगर र विनाेद डाँगी निर्वाचित भएका छन् ।