ट्राफिक प्रहरीको विशेष चेकिङः १ सय १८ जना कलेजका विधार्थी कारवाहीमा

काठमाडौं । काठमाडौं उपत्यका ट्राफिक प्रहरी कार्यालयले कलेजका विधार्थी लक्षित ट्राफिक चेकजाँच अभियानमा १ सय १८ जना विद्यार्थीलाई कारवाही गरेको छ ।

चेकजाँचमा सवारी चालक अनुमती पत्र नभएका ६१ जना ,सवारी दर्ता किताब नभएका ३९ जना र तिन जना सवार ७ जना विधार्थीहरू कारवाहीमा परेका हुन् । त्यस्तै हेल्मेट नलगाई सवारी साधन चलाउने १ जना र अन्य ट्राफिक नियम उल्लघंन गर्ने १० जना गरी १ सय १८ जना विधार्थीहरू कारवाहीमा परेका छन् ।

कारवाहीमा पर्ने बिधार्थीहरू दुई पांग्रे सवारी साधनका चालक रहेको काठमाडौं उपत्यका ट्राफिक प्रहरी कार्यालयका प्रवक्ता एवं प्रहरी वरिष्ठ उपरीक्षक राजेन्द्र प्रसाद भट्टले जानकारी दिए ।