५ हजार घुस सहित केयूकेएलका सिनियर पलम्बर पक्राउ
प्रकाशित मिति : 16 August, 2022 2:14 pm
काठमाडौं । काठमाडौँ उपत्यका खानेपानी लिमिटेड, महांकाल चौर शाखा कार्यालयमा कार्यरत सिनियर प्लम्बर गणेश बहादुर खुलाल पाँच हजार घुस रकमसहित पक्राउ परेका छन् ।
अख्तियार दुरुपयोग अनुसन्धान आयोग टंगालबाट खटिइएको टोलीले खुलालाई खानेपानी धारा जडानका लागि सेवाग्राहीसँग घुस माग गरेको उजुरीका आधारमा पक्राउ गरेको हो ।
खुलाललाई सेवाग्राहीबाट पाँच हजार रुपैयाँ घुस बापतको रकम लिइसकेको अवस्थामा उक्त रकमसहित कार्यकक्षबाट मंगलबार नियन्त्रणमा लिइएको आयोगले जनाएको छ ।
