वाईसीएलको राष्ट्रिय भेला आजदेखि, प्रचण्डले उद्घाटन गर्ने

काठमाडौं । नेकपा (माओवादी केन्द्र)को युवा संगठन योङ कम्युनिस्ट लिग (वाईसीएल)को दुई दिने राष्ट्रिय भेला आजदेखि सुरु हुने भएको छ ।

काठमाडौंको राष्ट्रियसभागृहमा आज बिहान ११ बजे माओवादी अध्यक्ष पुष्पकमल दाहाल ‘प्रचण्ड’ले भेलाको उद्घाटन गर्नेछन् ।

भेलामा सहभागी हुन जिल्ला र प्रदेशबाट प्रतिनिधि काठमाडौं आइसकेका छन् । दुई दिनसम्म चल्ने भेला उद्घाटन सत्र, बन्दसत्र र समापन सत्र गरी तीन सत्रमा सञ्चालन हुनेछ ।

भेलाले क्रान्तिकारी युवा आन्दोलनको नीति तथा कार्ययोजनामा छलफल बहस गरी युवा आन्दोलनको समग्र कार्यदिशा तय गर्ने संयोजक सुमन देवकोटाले बताए ।

भेलाले नयाँ नेतृत्व चयन गर्नेछ। वाईसीएलमा अध्यक्ष, नौ उपाध्यक्ष, महासचिव, २३ सचिव र कोषाध्यक्ष रहने व्यवस्था छ ।