माओवादी केन्द्रमा आज पनि लागेन पदाधिकारीको टुंगो

काठमाडौं । पदाधिकारीको टुंगो लगाउन बसेको नेकपा माओवादी केन्द्रको बैठक बिना निष्कर्ष टुंगिएको छ ।

शुक्रबार बिहान पार्टी कार्यालय पेरिस डाँडामा बसेको स्थायी कमिटीको बैठकले पदाधिकारी सहित अन्य सांगठनिक संरचनालाई पूर्णता दिन भनिए पनि अहिलेसम्म टुंगो नलागेको प्रवक्ता कृष्णबहादुर महराले जानकारी दिए ।

बैठकल पनि संचारकर्मीसँग कुरा गर्दै महराले भने पदाधिकारीको विषयमा गम्भिर छलफल भएपनि निष्र्कषमा पुगिएको छैन, भोली १ बजे पुनः बैठक बस्ने गरी आजको छलफल टुंगिएको छ ।

पटक पटक बसेको माओवादी केन्द्रको बैठकले अहिलेसम्म पदाधिकारीको टुंगो लगाउन सकेको छैन ।

प्रवक्ता महराका अनुसार पदाधिकारको विषयमा छलफल भइसकेको र धेरै नाम फाइनल भैसकेको हुनाले निर्णय हुन मात्रै बाँकि रहेको बताइरहे पनि अहिलेसम्म मूर्तरुप लिन सकेको छैन ।