पछिल्लो २४ घण्टामा देशभर ६२३ जना कोरोना संक्रमित थपिए
काठमाडौं । पछिल्लो २४ घण्टामा देशभर ६२३ जना कोरोना संक्रमित फेला परेका छन् । स्वास्थ्य तथा जनसंख्या मन्त्रालयका अनुसार ४ हजार ९४५ जनाको परीक्षणमा ६२३ जनामा एन्टीजेन र पीसीआर परीक्षण गर्दा उक्त संक्रमण पुष्टि भएको हो ।
पछिल्लो २४ घण्टामा १ हजार ६२१ जनाको पीसीआर परीक्षण गर्दा २४६ जना र ३ हजार ३२४ जनाको एन्टिजेन परीक्षण गर्दा ३७७ जनामा संक्रमण देखिएको मन्त्रालयले जनाएको छ ।
मन्त्रालयले सार्वजनिक गरेको तथ्यांकअनुसार हाल कोरोना भाइरसको सक्रिय संक्रमितको संख्या ५ हजार २४ पुगेको छ भने आज थपिएसँगै नेपालमा कोरोना संक्रमितको कुल संख्या ११ लाख ४३ हजार ६९७ पुगेको छ ।
हाल ४ हजार ८३४ जना होम आइसोलेसनमा रहेका छन् भने १९० जना संस्थागत आइसोलेसन, ४९ जना आईसीयूमा र ६ जना भेन्टिलेटरमा उपचाररत रहेको मन्त्रालयले जनाएको छ ।
त्यस्तै पछिल्लो २४ घण्टामा ४८७ जना संक्रमणमुक्त भएका छन् भने संक्रमणबाट कसैको पनि मृत्यु भएको छैन ।
