गिरीलाई श्रद्धाञ्जली दिन प्रधानमन्त्री देउवा र एमाले अध्यक्ष ओली आर्यघाट पुगे

काठमाडौं । नेपाली कांग्रेसका दिवंगत नेता प्रदिप गिरीलाई श्रद्धाञ्जली दिन प्रधानमन्त्री शेरबहादुर देउवा र एमाले अध्यक्ष केपी शर्मा ओली आर्यघाट पुगेका छन् । शनिबार राति निधन भएका गिरिको अहिले पशुपति आर्यघाटमा अन्तिम दाहसंस्कारको भइरहेको छ ।

गिरिलाई श्रद्धाञ्जली दिन कांग्रेससहित विभिन्न राजनीतिक दलका नेता तथा कार्यकर्ता पशुपति आर्यघाट पुगेका छन् ।

कांगे्रस पार्टी कार्यालय सानेपामा राखिएको गिरीको पार्थिव शरिरलाई अहिले दाहसंसस्कारको लागि आर्यघाट लगिएको छ । घाँटीको क्यान्सर र निमोनियाबाट पीडित गिरिको शनिबार राति साढे ९ बजे ७४ वर्षको उमेरमा निधन भएको थियो ।