चितवन राष्ट्रिय निकुञ्ज क्षेत्रमा एक वृद्ध मृत फेला, गैँडाले आक्रमण गरेको अनुमान
प्रकाशित मिति : 22 August, 2022 1:15 pm
चितवन । चितवनको माडी नगरपालिका–३ का एक वृद्ध निकुञ्जको मध्यवर्ती क्षेत्रमा मृत अवस्थामा भेटिएका छन्।
७५ वर्षीय झगरु महतो मृत अवस्थामा भेटिएका हुन्। आइतबार साँझ ६ बजे सिमलचौर क्षेत्रमा महतोको शव भेटिएको थियो।
शव भेटिएको क्षेत्रमा गैँडाको पाइला देखिएकाले गैँडाको आक्रमणबाट निजको मृत्यु भएको अनुमान गरिएको निकुञ्जका सूचना अधिकारी गणेशप्रसाद तिवारीले बताए ।
वडा नम्बर ३ बोटेसिमाराका उनी डुल्ने क्रममा गैँडाले आक्रमण गरेको हुनसक्ने अनुमान गरिएको छ। रासस
