स्याङ्जाको बाढखोलामा अवैध रूपमा माछा मार्ने १० जना पक्राउ

स्याङ्जा । स्याङ्जाको पुतलीबजार नगरपालिका वडा नम्बर ३ बाढखोलामा अवैध रूपमा माछा मार्ने १० जनालाई प्रहरीले पक्राउ गरेको छ । सोमबार ब्याट्री, मोटरमा जोडी करेन्ट प्रवाह गरी माछा मारिरहेको अवस्थामा उनीहरूलाई प्रहरीले पक्राउ गरेको हो ।

पक्राउ पर्नेमा स्याङ्जा पुतलीबजार वडा नम्बर ३ बस्ने समिर हुसेन मियाँ, अनुर मियाँ, सलामत मियाँ, समिम अली, मनुरदिन अली रहेका छन् । त्यस्तै बिरुवा गाउँपालिका ३ का चुनबहादुर थापा, रिशमबहादुर थापा, थामबहादुर थापा र यामबबहादु थापालाई पनि पक्राउ गरिएको जिल्ला प्रहरी कार्यालय स्याङ्जाले जनाएको छ ।

माछा मार्न प्रयोग भएका ब्याट्री, मोटर जस्ता सरसामानहरू समेत प्रहरीले बरामद गरेको छ । उनीहरूलाई जलचर संरक्षण ऐन विपरीतको कसुर मा कारबाहीको लागि जिल्ला प्रशासन कार्यालय स्याङ्जामा पठाइएको प्रहरीले जनाएको छ ।