स्याङ्जाको फेदिखोला गाउँपालिकाबाट १४ लाख रुपैयाँको सुन चोरी
प्रकाशित मिति : 24 August, 2022 12:59 pm
स्याङ्जा । स्याङ्जाको फेदिखोला गाउँपालिकाबाट १४ लाख रुपैयाँ बराबरको सनुका विभिन्न गरगहना चोरी भएको छ ।
फेदिखोला गाउँपालिका वडा नम्बर २ खर्केटारी बस्ने २६ वर्षीया ख्याम कुमारी लामिछानेको घरबाट सोमबार दिउँसो करिब १४ लाख रुपैयाँ बराबरको १३ तोला ४० लाल सुनका विभिन्न गरगहना चोरी भएको जिल्ला प्रहरी कार्यालय स्याङ्जाले बताएको छ ।
प्रहरीले यस सम्बन्धमा आवश्यक अनुसनधान गरिरहेको र चोरीमा संलग्न हाल फरार व्यक्तिहरुको खोजी गरेको जानकारी दिएको छ ।
